Share on facebook
Facebook
Share on twitter
Twitter
Share on linkedin
LinkedIn

Zëdhënësja ruse: Kosova është vrimë e zezë në Evropë, qeveria po predikon ekstremizëm të hapur politik

Zëdhënësja e Ministrisë së Jashtme ruse, Marija Zaharova ka deklaruar se Kosova është një vrimë e zezë në Evropë.

Ajo është shprehur se në Kosovë lulëzon krimi e korrupsioni.

“Kosova është një vrimë e zezë në Evropë, ku lulëzon krimi i organizuar dhe korrupsioni dhe ku krijohet një atmosferë e urrejtjes dhe intolerancës kombëtare dhe fetare”, ka thënë ajo.

Zëdhënësja e MPJ-së ruse ka përmendur edhe kryeministrin Albin Kurti, derisa ka thënë se autoritetet e reja po predikojnë ekstremizëm të hapur politikë.

“Autoritetet e reja të Kosovës, të udhëhequra nga kryeministri Albin Kurti, po predikojnë ekstremizëm të hapur politik. Kosova është bërë një problem për kontinentin Evropian”, tha Zaharova, përcjell mediumi serb, Kosovo Online.

Zaharova ka thënë po ashtu se marrëveshjet e Brukselit ishin harmonizuar në vitin 2013 dhe se “Beogradi përmbushi pjesën e vet të këtyre zgjidhjeve, ndërsa Prishtina refuzoi të sigurojë kushtin kryesor – krijimin e Asociacionit të Komunave Serbe”.

Shiko me shume